Khabar Board
Flash logo up side
Nirbachan aayog

लखनऊले दियो हैदराबादलाई चुनाैतीपूर्ण लक्ष्य, राहुलले हासिल गरे महत्वपूर्ण उपलब्धि

Nirbachan m

काठमाडौं ।

भारतमा जारी १५ औं सिजनको इण्डियन प्रिमियर लिग (आईपीएल) को १२ औं खेलमा लखनऊ सुपर जायन्ट्सले सनराइजर्स हैदराबादलाई १७० रनको लक्ष्य दिएको छ । मुम्बईस्थित डिआर डिवाइ पाटिल स्टेडियममा टस हारेर ब्याटिङको निम्तो पाएको लखनऊले निर्धारित २० ओभरमा ७ विकेट गुमाएर १६९ रन बनायो ।

उसका लागि कप्तान केएल राहुल र दीपक हूडाले अर्धशतकीय पारी खेले । राहुलले ५० बलमा ६ चौका र एक छक्कासहित ६८ रन बनाए । योसँगै उनले टी–२० क्रिकेटमा नयाँ उपलब्धि हासिल गरेका छन् ।

राहुलले टी–२० क्रिकेटमा ५० अर्धशतक बनाउने छैटौं भारतीय ब्याटरको उपलब्धि हासिल गरेका हुन् । उनीभन्दा अगाडि विराट कोहली (७५), रोहित शर्मा (६९), शिखर धवन (६३), गौतम गम्भीर (५३) र सुरेश रैना (५१) ले टी–२० मा ५० भन्दा बढी अर्धशतक बनाएका छन् ।

त्यस्तै, आज हूडाले ३३ बलमा तीन छक्का र तीन चौकाको सहयोगमा ५३ रनको योगदान दिए । आयुष बदोनी १९ र मनिष पाण्डे ११ रनमा आउट भए । बाँकी ब्याटरले भने दोहोरो अंकमा समेत रन जोड्न सकेनन् ।

हैदराबादका रोमारियो सेफर्ड र वासिङ्टन सुन्दरले दुई/दुई विकेट लिए । जारी लिगमा लखनऊले दुई म्याच खेल्दा एकमा जित र एक खेलमा हार बेहोरेको छ । एक म्याच खेलेको हैदराबादले जित हात पार्न सकेको छैन ।

यो पनि पढौं– नेपाली समर्थकको माया देखेर अचम्ममा अमिनी, लज्जास्पद हार बेहोरे पनि दिल खोलेर गरे प्रशंसा

सामाजिक विकास मन्त्रालय सुदूरपश्चिम प्रदेश, धनगढी, कैलाली 11
याे पनि हेर्नुस्
प्रतिक्रिया दिनुहाेस्

Your email address will not be published.