Khabar Board
Flash logo up side
Nirbachan aayog

आदिल भन्छन्– अब दुई गुणा बढी अभ्यास गर्छु, सपना नेपाललाई टेष्ट राष्ट्र बनाउने

Nirbachan m

काठमाडौं ।

सोमबार सम्पन्न टी–२० त्रिकोणात्मक सिरिजमा मोहम्मद आदिल आलमले धेरैको मन जिते । डेब्यूमै ११ बलमा ३१ रनको आक्रामक पारी खेलेपछि उनको चर्चा अझै सेलाएको छैन । त्रिकोणात्मक सिरिजमा नेपाल अपराजित रहनमा उनको भूमिका पनि अहम् रह्यो ।

यो पनि पढौं– यी हुन् दीपेन्द्रलाई मनपर्ने दुई विदेशी क्रिकेटर

ब्याटिङका साथै आदिलले बलिङमा पनि राम्रो गरे । विकेट लिन नसके पनि उनले बलिङमा खासै रन खर्चेनन् । डेब्यू सिरिजमै राम्रो गरेका आदिललाई धेरै समर्थकले नेपाली टिमको भविष्यको रूपमा हेरेका छन् । उनले पनि आफू सधैं नेपालका लागि खेल्ने बताएका छन् ।

Panacea Education

‘म पहिले जति अभ्यास गर्थे अब त्योभन्दा दुई गुणा गर्छु, देशको लागि सधैं खेल्छु,’ आदिलले कान्तिपुर टेलिभिजनको एक अन्तर्वार्ताका क्रममा भने । उनले आफ्नो मुख्य सपना नेपाललाई टेष्ट मान्यता दिलाउन योगदान दिनु नै रहेको पनि बताए ।

‘मेरो एउटै मात्र सपना छ, आफ्नो देशलाई टेष्ट राष्ट्र बनाउने हो,’ आदिलले भने । उनले आफ्नो डेब्यूपछि गाउँमा उत्साह थपिएको पनि बताए । आदिलले आफ्नो कारण क्रिकेट खेल्नै छोडेका युवाहरू पनि पुनः खेलमा ध्यान दिइरहेको पनि सुनाए । साथै, उनले सधैं निडर भएर खेल्ने आफ्नो बानी रहेको पनि बताए ।

यो पनि पढौं– गायिका रचना रिमालको विषयमा क्यानले सोध्यो स्पष्टीकरण

सामाजिक विकास मन्त्रालय सुदूरपश्चिम प्रदेश, धनगढी, कैलाली 11
याे पनि हेर्नुस्
प्रतिक्रिया दिनुहाेस्

Your email address will not be published.