काठमाडौं । कप्तान लिओनल मेसीको ह्याट्रिकसँगै इन्टर मियामीले मेजर लिग सकरमा सानदार जित हासिल गरेको छ। चेस स्टेडियममा आइतबार बिहान भएको खेलमा मियामीले न्यु इङ्ल्यान्ड रिभोलुसनमाथि ६–२ को जित हासिल गरेक हो।
दोस्रो हाफमा मैदान प्रवेश गरेका ३७ वर्षीय मेसीले ३३ मिनेट मात्रै खेले । ११ मिनेटको अन्तरमा ३ गोल गर्न सफल भएका हुन् । यो सँगै मेसीले यो सिजनको १९ खेलमा २० गोल गरेका छन् । जसमा १० असिष्ट छ ।
यसअघि बुधबार बिहान बोलिभियाविरुद्ध ६–० को जित निकाल्दा मेसीले तीन गोलसँगै दुई असिष्ट गरेका थिए । आइतबार बिहान घरेलु मैदानमा मेसीले ह्याट्रिक गर्दा लुइस स्वारेजले दुई तथा बेन्जामिन क्रामास्चीले एक गोल गरेका थिए । यसअघि खेलको ३४औं मिनेटसम्म इन्टर मियामी २–० ले पछि थियो ।
मेसी ५८औं मिनेटमा मैदान प्रवेश गरेपछि इन्टर मियामीले दबाब बनाएको थियो । यो जितपछि इन्टर मियामी ३४ खेलबाट ७४ अंकसहित शीर्ष स्थानमा छ । इन्टर मियामी एकै सिजनमा ७४ अंक जोड्ने पहिलो टिम बनेको छ । यता, इन्टर मियामीले यसवर्ष हुने फिफा क्लब विश्वकपमा सहभागिता जनाउने पक्का भएको छ ।
