काठमाडौं । देशमा पश्चिमी वायुको सामान्य प्रभाव रहेको मौसम पूर्वानुमान महाशाखाले जनाएको छ । यसका कारण कोशी, बागमती र गण्डकी प्रदेशका पहाडी भूभागमा आंशिक बदली रहेपनि अन्य स्थानमा मौसम मुख्यतः सफा रहनेछ ।
आज दिउँसो कोशी प्रदेशका पहाडी क्षेत्रमा आंशिक बदली रहनेछ भने अन्य स्थानमा मौसम सफा रहनेछ । आज राति कोशी र गण्डकी प्रदेशका पहाडी भूभागमा आंशिक बदली रहनेछ ।
साथै, गण्डकी प्रदेशका उच्च पहाडी र हिमाली क्षेत्रका एक दुई स्थानमा हल्का हिमपातको सम्भावना रहेको छ । महाशाखाले गण्डकी प्रदेशका हिमाली क्षेत्रमा हुन सक्ने हल्का हिमपातका कारण पर्यटन र पर्वतारोहणमा आंशिक असर पर्न सक्ने भन्दै सतर्कता अपनाउन अनुरोध गरेको छ ।
