एजेन्सी । श्रीलंकाका तीव्र गतिका थप २ बलर भारतविरुद्धको एकदिवसीय सिरिजबाट बाहिरिएका छन् ।
तीव्र गतिका बलरद्वय माथिशा पाथिराना र दिलशान मधुशंकाले सिरिज गुमाउने भएका हुन् । पाथिरानाको काँध र मधुशंकाको ह्यामस्ट्रिङमा चोट लागेको छ।
श्रीलंकाको टोलीमा बिरामी परेका दुष्मन्था चमिरा र औंला भाँचिएका नुवान तुषारा पनि छैनन् । यी दुवै खेलाडीले टि ट्वान्टी आईमा पनि थिएनन् ।
उनीहरुको स्थानमा दायाँ हाते तीव्र गतिका बलर मोहम्मद शिराजलाई र दायाँ हाते तीव्र गतिका बलर इशान मालिंगालाई टोलीमा समावेश गरिएको छ । टोलीमा समावेश दुवै खेलाडी अनक्याप्ड छन् । भारतसँगको ३ खेलको ओडिआई सिरिज शुक्रबारबाट सुरुआत हुदैछ ।
