काठमाडौं । अमेरिकाविरुद्धको तीन खेलको टी-२ आई सिरिजमा नेपालका तीव्र गतीका बलर सोमपाल कामी प्लेयर अफ द सिरिज बनेका छन् ।
सोमपालले सिरिजका ३ खेलमा ५ विकेट लिएका थिए । पहिलो खेलमा कुनै विकेट लिन नसकेका सोमपालले दोस्रो खेलमा २ तथा तेस्रो खेलमा ३ विकेट लिएका थिए । दोस्रो खेलमा भएको सुपर ओभरमा सोमपालले २ रन खर्चिएर २ विकेट लिएका थिए ।
घरेलु टोली अमेरिकाका जसदीप सिंहले पनि समान पाँच विकेट हात पारे । नेपालका दीपेन्द्र सिंह ऐरीले चार विकेट लिएका थिए । नेपालका कुशल भुर्तेलले सर्वाधिक एक सय ४२ रन बनाए ।
सोमबार बिहान डालासमा नेपालले अमेरिकालाई ८ विकेटले हराएको थियो । योसँगै नेपालले शृंखला ३–० ले जित्यो । यसअघि नेपाल पहिलो खेलमा १७ रनले तथा दोस्रो खेल टाई हुँदा सुपर ओभरमा विजयी भएको थियो ।
यो पनि : अमेरिकाविरुद्धको टी-२० सिरिजमा नेपालको क्लिन स्विप
यो पनि : आसिफ शेख बने ‘प्लेयर अफ द म्याच’
