काठमाडौं । अमेरिकाविरुद्धको तीन खेलको टी-२० खेलमा नेपाली ओपनर आसिफ शेख प्लेयर अफ द म्याच भएका छन् । अमेरिकाको ग्राण्ड प्रेरीमा भएको खेलमा अर्धशतक बनाएका आसिफ प्लेयर अफ द म्याच भएका हुन् ।
आसिफ शेखले ३९ बलमा ५ चौका र २ छक्काको सहयोगमा अर्धशतक पूरा गरेका थिए । उनको टी-२० करियरको छैठौं अर्धशतक बनाए ।उनल् आफ्नो टी-२० करियरमा तेस्रो पटक प्लेयर अफ द म्याच अवार्ड जितेका हुन् । यसअघि आसिफले सन् २०२२ मा मलेसियाविरुद्ध पहिलो तथा सन् २०२३ मा युएईविरुद्ध दोस्रो प्लेयर अफ द म्याच जितेका थिए ।
नेपालले अमेरिकाविरुद्धको तीन खेलको टी-२० आई सिरिज क्लिनस्वीप गरेको छ । एक खेल अगावै सिरिज उचालेको नेपालले आइतवार भएको अन्तिम खेलमा ८ विकेटको जित हात पार्दै नेपालले सिरिज क्लिन स्विप गरेको हो ।
यो पनि : अमेरिकाविरुद्धको टी-२० सिरिजमा नेपालको क्लिन स्विप
यो पनि : सोमपाल कामी बने ‘प्लेयर अफ द सिरिज’
