काठमाडौं । नेपालको डिजिटल सूचना तथा शैक्षिक सामग्रीको क्षेत्रमा पछिल्लो समय केही अनलाइन प्लेटफर्महरूले उल्लेखनीय प्रभाव विस्तार गरिरहेका छन्। त्यसमध्ये एन.इ.बि. रिजल्टस एन्ड निउज प्रा.लि. (N.E.B. Results And News Pvt. Ltd.) विद्यार्थी केन्द्रित सूचना प्रवाह गर्ने डिजिटल मिडियाको रूपमा स्थापित हुँदै गएको देखिन्छ।
कम्पनी दर्ता नं. ३१९३३४/०८०/०८१ अन्तर्गत स्थापित यस संस्थाले सूचना तथा प्रसारण विभाग दर्ता नं. ४४२९-२०८०/०८१ तथा प्रेस काउन्सिल नेपाल दर्ता नं. ४४०९-२०८०/०८१ प्राप्त गरी डिजिटल पत्रकारिता तथा सूचना प्रकाशनको क्षेत्रमा कार्य गरिरहेको छ।
विशेषगरी माध्यमिक शिक्षा परीक्षा (SEE), राष्ट्रिय परीक्षा बोर्ड (NEB), कक्षा ११ र १२ का नतिजा, परीक्षा तालिका, शैक्षिक अवसर, छात्रवृत्ति तथा विद्यार्थीसँग सम्बन्धित सूचना प्रकाशनका कारण यो प्लेटफर्म विद्यार्थी समुदायबीच परिचित बनेको छ।
डिजिटल पहुँचका हिसाबले पनि एनइबि रिजल्ट एन्ड निउजको उपस्थिति उल्लेखनीय देखिन्छ। कम्पनीका अनुसार यसको फेसबुक पेज “NEB Result & News” मा ९ लाख ३० हजारभन्दा बढी फलोवर रहेका छन् भने टिकटकमा १ लाख ४० हजारभन्दा बढी, इन्स्टाग्राममा ६० हजारभन्दा बढी तथा युट्युबमा ८ हजारभन्दा बढी सदस्य रहेका छन्। विभिन्न सामाजिक सञ्जालमा गरी यसको कुल पहुँच १० लाखभन्दा बढी प्रयोगकर्तासम्म पुगेको बताइन्छ।
नेपालमा शैक्षिक समाचार र विद्यार्थी केन्द्रित डिजिटल सामग्री उत्पादन गर्ने प्लेटफर्महरूको संख्या सीमित रहेको अवस्थामा एनइबि रिजल्ट एन्ड निउजले विद्यार्थी, अभिभावक तथा शिक्षक समुदायलाई लक्षित गरी नियमित रूपमा सामग्री प्रकाशन गर्दै आएको छ। पछिल्ला वर्षहरूमा डिजिटल माध्यमबाट परीक्षा नतिजा, सूचना र समाचार खोज्ने प्रवृत्ति बढ्दै जाँदा यस्ता प्लेटफर्महरूको भूमिका अझ महत्वपूर्ण बन्दै गएको छ।
मिडिया तथा डिजिटल सञ्चार क्षेत्रका जानकारहरूका अनुसार सामाजिक सञ्जालमा ठूलो समुदाय निर्माण गर्नु मात्र उपलब्धि होइन, त्यस समुदायलाई विश्वसनीय र उपयोगी सूचना उपलब्ध गराउनु अझ महत्वपूर्ण पक्ष हो। यस दृष्टिले हेर्दा शैक्षिक सूचना र समाचारलाई प्राथमिकता दिँदै आएको एनइबि रिजल्ट एन्ड निउज नेपाली विद्यार्थी समुदायबीच प्रभावशाली डिजिटल ब्रान्डको रूपमा विकसित हुँदै गएको देखिन्छ।
डिजिटल मिडियाको प्रतिस्पर्धात्मक वातावरणमा १० लाखभन्दा बढी सामाजिक सञ्जाल फलोवरसहित विद्यार्थी केन्द्रित सामग्री उत्पादन गर्ने नेपाली प्लेटफर्मका रूपमा एनइबि रिजल्ट एन्ड निउजले आफ्नो छुट्टै पहिचान निर्माण गर्ने प्रयास गरिरहेको छ।
